沙巴之旅的確帶俾我好多美好又難忘回憶, 因為一行七人渡過了一個好relaxing 既假期, 因為要夾到大家一齊放假又想同一地方, 無特定既行程, 我地只係揀左幾個活動, 包括行神山, 同埋第一次玩既激流同揹樽潛水!仲住左間非常靚既resort, Shangri-la Rasa Ria 由於帶左新相機, 我就趁呢個機會學影相:

係沙巴遇上的晴朗天空
經常到係酒店同郊外見到既美麗花兒!
第一次玩激流, 由於我們係bb 級, 所以有驚無險啦, 不過不停咁划船好辛苦呀! 中途係條河游水就好舒服, d 水好清涼!

最難忘當然係第一次潛水啦, 潛水教練教極我都唔識, 真係好驚! 一個勇字咁走去潛, 見到海底世界真係好奇妙, 仲有條nemo 走到我眼前, 好似同我打招呼, 但係一上水就落大雨, 又大浪又凍, 我就不停咁嘔, 嘔到就死咁!原來當日印尼8.2級地震, 真係好彩無事!